Elkarteak / Prestakuntza Erakundeak Matia Zaleak

Inplikazio gabeko jenderik gabe ezin da proiekturik aurrera eraman. Zure elkarteak eman dezaken edozein laguntza ezinbestekoa izango da.

Egin zaitez MatiaZale

Dena pertsonekin hasten da. Enpresa bat ezin da pertsonarik gabe altxatu. Eta Matia Fundazioa dena bada, gutxi batzuek horretan sinetsi zutelako da. Horregatik, pertsona fisikoa nahiz elkartea izan, zure beharra dugu. Laguntzeko gogoa, grina eta idealak dira, azken buruan, gure Fundazioaren ezaugarriak. Tantaz tanta, zerbait handia egingo dugu. 

Egin zaitez MatiaZale

Dohaintza puntualak

Egiten dituzun dohaintzak oso osorik ekimenetara bideratuko ditugu, eta aukera izango duzu webgunearen bidez nahiz buletin elektronikoaren bidez haren jarraipena egiteko. Ekimen horien bitartez, adineko askoren eta desgaitasunen bat duten pertsona askoren bizi kalitatea hobetzen lagunduko diguzu.

Zure diru sarrera ONLINE egin dezakezu, edota kontu honetan bestela:

Kutxabank: ES06 2095 5206 03 1060049466 (diru sarreraren arrazoian, "MatiaZaleak- izen eta abizena" idatzi behar da kontzeptutzat).

Irabazi asmorik ez duen eta interes orokorrekotzat izendatuta dagoen erakunde bati (adibidez gure erakundeari) dohaintza eginez gero, onura fiskalak lortzen dira: pertsona fisikoa izan, pertsona juridikoa izan, zure ekarpenak zergak arinduko dizkizu hurrengo errenta aitorpenean edo sozietateen gaineko zergan.

Nahi baduzu, dohaintza egiaztatu ondoren, ziurtagiria emango dizugu. Dohaintza ONLINE egiteko asmoa baduzu, zehaztu inprimakian, horretarako berariaz prestatuta dagoen laukitxoan. 

Eskatzeko beste modu batzuk: 
Mezu elektronikoa bidaliz info@matiazaleak.net helbidera. 
Telefonoz: 943317102 

Egin dohaintza

 

Egin zaitez bazkide

Egin zaitez bazkide eta, zure laguntzari esker, adineko askoren eta desgaitasuna duten pertsona askoren bizi kalitatea hobetzen lagunduko diguzu. Izan ere, ekimen horiek ezinezkoak izango lirateke laguntza hori gabe.

EZAUGARRIAK

Zeuk erabakiko duzu noiz eman alta eta noiz baja.

Zeuk erabakiko duzu zer ekarpen egin nahi duzun (hilean, hiru hilean, urtean… behin).

 

ZURE EKARPENAK ONURA FISKALAK ESKURATZEKO ESKUBIDEA EMATEN DIZU

Pertsona fisikoa izan, pertsona juridikoa izan, zure ekarpenak zergak arinduko dizkizu hurrengo errenta aitorpenean edo sozietateen gaineko zergan.

Dohaintzaren ziurtagiria bidaliko dizugu horretarako.  

Egin zaitez bazkide

Ekimenak

Ezerk ez du adore gehiago ematen, laguntzen duzun horren bizitza hobetu egin dela ikusteak baino. Matian zenbait proiektu abiarazi ditugu crowdfunding sozialari esker. Ekimen horiek erakusten digute, laguntza txiki batez belaunaldi oso baten bizitza hobetu daitekeela. Sartu eta ikusiko duzu zer erraz aldatzen duen keinu batek haren mundua. 

Ezagutu proiektuak

Elkarte laguntzaileak

Axular Lizeoa kooperatiba sozietatea da. Haren helburua: haurraren eta nerabearen garapen integrala sustatzea euskal kulturaren esparruan, guraso eta irakasleen arteko lankidetza estuan oinarrituta. Axular Lizeoa ikastola plurala da, hau da, ikastetxe apolitikoa eta laikoa, balio demokratikoetan oinarritua.

Adinkide GKE bat da, boluntarioein lanari esker hautatu ez den bakardadeari aurre egin nahi diona. Adinkide, Fundación Amigos de los Mayoresen delegazioa da Euskadin, eta iada hasi da bakardadean aurkitzen diren adineko pertsonei laguntzen Donostia eta Lasarte-Orian

 

AFAGI (Gipuzkoako Alzheimerdunen eta bestelako Dementziadunen Senitartekoen, Lagunen eta Pertsonen Elkartea) erakunde pribatua da, Alzheimerren gaixotasunak edo bestelako dementziaren batek jotako pertsonen eta euren senitartekoen bizi kalitatea babesteko helburua duena.

Irabazi asmorik gabeko elkarte bat da, non Gipuzkoako adineko pertsonen eta ezgaitasuna duten pertsonen ongizatea sustatu nahi duen. Trizikloan irteera belaunaldi artekoen loturak eta erlazioak hobetzeko bide bat da, istorioak kontatu eta Donostiatik paseatzen den bitartean. Honela, adinekoek Donostiako zona berriak berezagutzen dituzte boluntarioek lagunduta, familiartekoek, bizilagunek, gizarte langileek... inklusioa eta komunitatea sortuaz.

Larrialdiko laguntza, gizarte ongizatea, osasunaren alorreko prestakuntza, istripuen prebentzioa, erreskatea, giza laguntza… Gipuzkoako DYAren historia, historia bizia da. Eta zuk idazten lagun diezagukezu. Animatzen zara?

EASO Abesbatza 1940 urtean sortu zen gizonezkoen abesbatza moduan eta gaur egun hainbat talde hartzen ditu bere baitan: gizonezkoa (EASO), emakumezkoak (ARAOZ), kapera gregorianista, mutikoak (EASO Eskolania), neskak (ARAOZ Gazte), gaztetxoak (EASO Txiki eta ARAOZ Gaztetxo) eta erretiratuak (Cum Jubilo).

Bere sorkuntzatik musika eta kultura zabaltzea izan da helburu, arreta berezia emanez euskal musika eta konpositoreei. Horretaz gain, beste musika estilo landu ditu hasieratik: sinfoniko-korala, opera, eliz-musika...

EASO Politeknikoa lanbide heziketako ikastetxe integratua da. Hasierako lanbide heziketa (erdi eta goi mailako prestakuntza zikloak) ez ezik, etengabeko prestakuntza (langile eta langabetuentzako ikastaroak) ere ematen da bertan. Institutuan 10 lanbide familiatan trebatzeko erdi eta goi mailako zikloak ematen dira, A, B eta D ereduetan.

 

Espainiako Futbolari Ohien Elkarteen Federazioak (FEAFVk) 11  jokalariko futboleko lehen eta bigarren mailetako jokalari ohien elkarteak biltzen ditu. 

Zumarraga–Urretxun dagoen ikastetxe publiko bakarra da. Bertan Haur Hezkuntza eta Lehen Hezkuntza ikasketak eskaintzen dira.Eskola proiektu desberdinetan dabil buru-belarri: euskararen normalkuntza, elkarbizitza, hezkidetza, eskolako agenda 21, hezkuntza zientifikoa, bidelaguna, Golden 5, IKKI, IKT.

Eskolak badu identifikazio ikurra: TRIKUA, eskolako ekitaldietan bizitza hartzen duena.

Zumarraga eta Urretxu, Guipuzkoa erdian kokatutako bi herri dira. Hurbilekoak ez direnek sarri nahasten dituzten herriak dira, Urola ibaiak soilik banatzen baititu.

 

 

Gero Axular, euskal kultura bultzatzen saiatzen den Donostiar dantza taldea da. 2004 urtean sortu zen, euskal dantzan urrats bat haratago emateko asmoz. Gero taldeko sustatzaileak, gure kultura gorde eta zaindu ez ezik, landu eta bultzatu egin behar dela konturatu ziren. Geroztik zazpi ikuskizun plazaratu ditu eta baita ere Euskal-herritik kanpo gure kultura eta musika ezagutarazteko asmoz, Europa guztian zehar bidaiatzen saiatzen gara.

Lourdesko Ospitalitatearen izenarekin elizbarrutiko Elkarte Publiko bat sortua dago, eta 65 urte baino gehiago damarki boluntarioz osatuta eta gaixo eta ezinduei zerbitzua emanez.

Bere helburua asistentzia eta laguntza ematea da gaixo eta ezinduei, eta bereziki, Lourdesko santutegira urteroko erromesaldiarekin.

Gizalde Gipuzkoako Boluntariotzak, hiritarren artean boluntariotza eta parte hartzea sustatzea eta bultzatzea du helburu. Horretarako informazio eta orientazioa eskaintzen die hiritarrei eta aholkularitza eta baliabideak Gipuzkoako elkarte sareari.

Intxaurrondo Ikastola, D ereduko 2-12 urteko bitarteko haurrak jasotzen dituen ikastetxe publikoa da eta helburu nagusi batekin sortu zen: auzoan, euskaraz, kalitatezko hezkuntza eskaintzea. Bide horri jarraituz, hauek dira gure ezaugarriak: euskalduna eta euskal kulturan errotua, auzokoa eta gertukoa, aniztasunari erantzuten diona, akonfesionala, eta konpentsatzailea, eleanitza, pertsonaren garapen integralaren sustatzaile, ingurunearekiko arduratsua eta berritzailea.

Jakintza Ikastola Antigua auzoan kokaturik dagoen D ereduko ikastetxe publikoa da. 50 urte baino gehiagoko ibilbide luzea du egina. Bertan HH2 urtetik hasi eta LH6. maila arteko ikasleak ditugu. Aniztasuna aberastasun iturri gisa hartuz, norberaren ezaugarri eta erritmoak errespetatuz, ikasle guztiek gaitasunak ahal bezain beste garatzea dugu erronka.

Guztiontzako ekitaldiak egiten ditu. Gure gaitasun artistikoak jarudera inklusiboaren bidez zabaltzen ditugu.

Elizbarrutiaren gizarte ekimeneko ikastetxea da, itunpekoa, 0 urtetik hasi eta batxilergoko 2. mailarainoko eskolatzea hartzen duena.  Donostialdean sustraituta gaude, eta apustu sendoa egiten dugu euskararen alde eta gure ingurune soziokulturalean txertatzeko.

Gure ikastetxea kristau hezkuntzarako eliz jardunbidearen emaitza da. Aita Andres Coindrek karismaz eta era profetikoan abian jarri zuen Bihotz Sakratuaren Elizaren misioa jorratzen du: «Gazteria heztea eta Jaungoikoaren ezagutzan eta maitasunean bideratzea».

Nagusilan gobernuz kanpoko erakundea da; ez du irabazi asmorik, laguntza du helburu, eta apolitikoa eta akonfesionala da. Baztertuta, bakartuta edo egoera ahulean dauden adinekoei laguntza emateko, kontsolatzeko eta animatzeko prest dauden pertsonak biltzen ditu, batzuk erretirodunak eta beste batzuk ez.

Orixe ikastola duela 40 urte baino gehiago sortu zuten Donostiako Alde Zaharrean. Garai hartan, euskararekin konprometitutako guraso talde batek, Donostiako beste euskaldun batzuekin batera, apustu sendoa egitea erabaki zuen: seme alabak euskaraz heztea. Euskara izango zen hezkuntzarako hizkuntza bakarra, eta irakaskuntzaren kalitatea izango zen hezkuntza proiektuaren ezaugarri nagusia. Aitzindaria izan zen jardunbideetan, beste proiektu askoren eredu eta esperientzia ugariren iturri.

2009an sortu zen Donostian. Duela gutxi interes publiko aitortza eman zaio.

Gure helburu nagusia: "zainketa aringarriak eta mina baretzea bi giza-eskubide bezela onartuak izatea, are eta gehiago egoera terminal batean eta baliabide eskasak dituzten Latinoamerika eta Afrikako herrialdeetan osasun sistemetan sartu ahal izatea.". Hori posible dela baloratzen dugu nazioarteko kooperazioaren bitartez profesionalak formatzen gai hauetan, eta irakaskuntzako ikerketa proiektuei epoioa ematen, eta baita ere estruktura aringarriak eta antialgikoak sortzen herrialde behartsuetan.

Gipuzkoan zehazki, fomakuntza jardunaldiak eskeintzen ditugu eta boluntariotzaren bitartez gaixotasun kronikoa eta aurreratua dutenei eta beraien familiei, bakarrik dauden pertsonei, egoitzetan bizi direnei edo ospitalean daudenei, laguntza eskeintzen diegu.

Pedro Mª Otaño Ikastetxea Zizurkilen kokatua dago eta Ikas Komunitatean oinarritutako ikastetxea da. Ikastetxearen ezaugarri garrantzitsuena ikasleek, gurasoek eta irakasleek beraien artean duten elkarrekintza sakona da. Eskolak berak herriko eragileekin egiten duen lana indar-gune handia da ere. Era honetan, Matia Fundazioko Fraisoroko aiton-amonekin dugun hartu-emana eta beraiekin batera burutzen ditugun jarduerak azpimarratzekoak dira.

Real Sociedad FUNDAZIOA irabazi asmorik gabeko erakundea da. Kirolaren, gizartearen eta kulturaren alorretako jarduerak sustatzea da haren helburu nagusia. 

Rotary irabazi asmorik gabeko nazioarteko elkarte bat da, sektore ezaberdinetako boluntarioek osatutakoa. Gizarte proiektuak aurrera eramatea du helburu, bai bertakoak, baita nazioartekoak ere, batzuetan berezkoak eta beste batzuetan beste elkarte batzuekin kolaboratzen.

San Ignacio Ikastetxeko (Donostiako Jesuitak) ikasleen boluntariotza programak helburu du aisialdiko ekintzen bitartez belaunaldi arteko erlazioak hobetzea. Adineko pertsona eta dibertsitate funtzionala dutenak eta gazteen arteko erlazioak sustatzeko asmo argia dauka, eta doakotasun eta zerbitzu ekintzatik, gure ingurua eta gizartea hobetzeko gaitasuna izan dezagun.

Ikasleak beraien aukeraz parte hartzen duten boluntariotza programa honek hiru zutabe ditu: FORMAKUNTZA, ESPERIENTZIA erakundeetan (17 erakundekin elkarlanean) eta bizitzakoaren eta ikasitakoaren talde eta banakako AUSNARKETA.

San Rafael neska itsuen eskola 1905.z geroztik dago Donostian zerbitzua ematen. "La Pía Unión de St. Domingo"k zuzendua ondoren San Rafael Fundazioa sortzeko.

San Rafael Etxebizitza komunitarioak helburu du behar bereziak dituzten pertsonak artatzea, ezgaitasun mota baten bat dutenak eta menpekotasun arin edo moderatuarekin. Pertsona hauek beraien etxebizitzetan egoteko eta bizi kalitate ona mantentzeko zaitasunak eduki ditzazkete. Etengabeko arreta pertsonalizatua eskeintzen duen familiarteko giro eta inguru seguro bat duen etxebizitza da. Helburua bizi-kalitate duin, alai eta afektiboa hobetzea edo mantentzea da, beraien autonomia sustatuaz, ingurugiro seguru eta estrukturatzailean. Erlazioak errespetuan, maitasunean eta zuhurtzian oinarrituak dira. Etxebizitza baten antzekoena da, bere etxe berria. Afizioak mantendu, nahiak, egunerokotasunean parte hartu eta beraien lorpenekin disfrutatzea da lehentasunetako bat. Era berean, borondatez bere denbora eskeintzen duten pertsonen sare bat sortzen ari gara, San Rafaelen bizi diren pertsonentzako laguntzan bihurtzen dena eta bertan bizi diren pertsonek bihotz-bihotzez eskertzen dutena. Garrantzitsuena nola bizi nahi den jakitea da. Etxe bat bertan bizi diren pertsonek osatzen dute.

1968z geroztik Ibaetako auzoan dagoen ikastetxea gara. Teresariar Eskola Fundazioaren parte gara. Pertsona autonomoak, arduratsuak, ekintzaileak eta gizarte eraldatzaile direnak, ezberdintasuna aberasgarri jotzen dutenak, eta justizia, bakea eta giza-eskubideekin konprometituak hezitzen ditugu kristau baloreetatik. Ikasle bakoitzaren garapen eta ikaskuntzak sustatzen dituzten metodologia eta teknologia berrien alde jotzen dugu.